Ráiteas Misin POBAL

“Forbairt na Gaeilge a sheoladh isteach i sochaí úr iomlánaithe.”

• ag cur cearta na nGael ar an chlár
• ag tógáil comhpháirtíochtaí idir pobal na Gaeilge agus áisineachtaí reachtúla, deonacha agus rialtais
• ag cur le cumas phobal na Gaeilge trí phleanáil áitiúil, éascaitheoireacht agus thograí
• ag cothú comhoibrithe idir grúpaí Gaeilge ar an talamh, sna cathracha, sna bailte agus sna bailte fearainn
• ag soláthar fóraim daonlathaigh ionadaíoch

Príomh-réimsí Oibre

Bunaíodh POBAL i mí Eanáir 1998. Páirtíocht ionadaíoch é POBAL, a thugann treoir straitéiseach agus a chuireann ar fáil fóram daonlathach do na dreamanna a chruthaigh tionscadail rathúla shóisialta, gheilleagracha, ealaíonta agus oideachasúla do phobal na Gaeilge i dtuaisceart na hÉireann. Tá POBAL ann le leas an phobail Gaelaigh agus leas ár mballraíochta a chur chun cinn. Tá dhá ghné den obair s’againne: abhcóideacht (Acht na Gaeilge TÉ san áireamh) agus tacaíocht straitéiseach dár mballraíocht. Chomh maith leis seo, reáchtálaíonn muid Ród Seó na nEalaíon gach bliain agus tá muid i mbun taighde ar Shainriachtanais an Pháiste Dhátheangach ó 0-18 mbliain.

Príomhghníomhaíochtaí 2008

• Comhordú agus ceannródaíocht ar ghach ghné den obair ar Acht na Gaeilge TÉ
• Ullmhaíodh moltaí maidir le daighniú níos láidre ar Chuid III den Chairt na hEorpa do Theangacha Réigiúnda nó Mionlaigh i leith na Gaeilge
• Seoladh togra nua, ‘Tá’ le deis a thabhairt do réimse leathan daoine tacú leis an Ghaeilge

POBAL: ag tógáil droichid, ag neartú an phobail